Ta senyala yo kuandu muchachu pa yo, di sali motru di mi tay na lamar para piska.
Pag sabadu di latardi, di yema kung minggu mi tay, di pregunta eli kung minggu kung kieri yo sali piska
pati eli na lamar. Oramismo pag a habla yo si, di habla eli kung minggu se prepara ay bangka, sagwan, pangpiska, kalan di
gas, pan, kape, asukal, pati mga gamit para pangkose kape.
Pag ta handa ya todu di yuba motru todu gamit na bangka. Yo kel ta se gaod mi tay ay ta se timong. Habang
ta se sagwan motro para sali na lamar, di pasa motru na huntu di salambaw, di yema kung motru kel mga henti na salamabaw.
Di habla kung minggu mi tay enda na orilya di salambaw. Kel mga henti na salambaw ta konese kung mi Tay. Di dali lotro kung
mi tay mga chikitu peskaw (aligasing) para pang pain.
Mucho bes ta kumbida muna kel mga peskador kung mi tay para se kuentuhang, peru pag mucho kohida ang mga
taga salambaw no tieni lotro tiempu para se sosyal. Di habla kung minggu se prepara ya motru para na lamar. Di ompisa ya yo
si gaod, maski bung grandi ay pang-gaod kayang kaya yo, saka maski lehus ay direksyong di motru no yo ta senti kansaw.
Bung alegri yo habang ta se gaod, sari-sari peskaw yo ta mira na agwa, tieni kabalyu-bamba, peskaw de koral,
buteti i bulador saka mucho pa.
Pag serka ya motru na stuperdiw baklad di habla kung minggu mo tay mahra ay mikati na tolus. Aya motru di
piska, ta kohe motro garopa, burara, peskaw piedra pero karamihang bisugo.
Pag muchu ya motru ta kohe, di habla kung minggu mi tay... kose kape.... bung alegri yo kuandu kel.... mi
ekperyensa kung mi tay... no yo di albida.... pag serka ya sali ay sol... di se lebanya kung minggu mi tay para bolbe ya na
pueblu.... bung alegri tameng yo habang ta serka ya motru na tambak....
Ta yuba mi nay na palengke di maragondon ay kohida di motru.... di bende eli na palengke ay mga peskaw....
